Dowladda Belgium ayaa ku dhawaaqday in ay si rasmi ah u aqoonsatay baasaboorka Soomaaliga oo ay shaabbada fiisooyinka ku bixin doonto.
Qoraal maanta lagu daabacay barta rasmiga ah ee ay facebook ku leedahay safaaradda Belgium ee Nairobi ayaa lagu yiri ‘ Laga bilaabo maanta oo ay dowladda Belgium waxa ay aqoonsaneysaa baasaboorrada Diblomaasiga iyo Service-ka”
Tallaabadan ayaa ah guul kale oo u soo hoyatay Soomaaliya oo dadaal ugu jirta in baasaboorka Soomaaligu soo ceshado aqoosigii uu dunida ku lahaa.
Dalal badan oo reer galbeed ah sida France, Italy iyo Norway ayaa horay u bilaabay inay fiisooyin ku bixiyaan baasaboorka Soomaaliga.
