Muqdisho(SNTV);- Si loo helo hannaan dib u Heshiishiin Qaran ayaa Wasaradda Arrimaha Gudaha, Federaalka iyo dib u heshiishinta Dowladda Federaalka Soomaaliya waxay shir u qabatay ururada Bulshada rayidka si fikradahooda loogu biirayo daraasaad lagu doonayo in lagu dajiyo wadadii loo mari lahaa hanaaanka dib u heshiishiinta Qaran.
Ku simaha wasiirka ahna Wasiiro dowlaha wasaaradda Arrimaha Gudaha, federaalka iyo dib u heshiisiinta Soomaaliya Cabdullaahi Faarax Wehliye oo furay waxaa uu sheegay in bulshadda rayidku ay laf dhabar u yihiin diyaarinta hannaanka dib u heshiisiinta qaran.
Wasiiro ku dowlaha ayaa intaa ku daray in bisha december ugu dambeyn la soo gabagabeyn doono wadatashiyada lana soo saarii doono hannaan qaran oo loo maro dib u heshiisiinta iyada oo la tashiyo lagala sameynayo doono bulshada ku nool deeganada dowlad goboleedyada iyo gobolka Banaadir
Hinda Axmed Farax iyo Cabdullaahi Maxmed shirwac oo kamid ah ururada Bulshada Rayidka ayaa isku raacay in aaraahda dad weynaha la tixgaliyo lana Xaliyo Khilaafaadka yar yar ee jira si loo helo is aaminaad dhab ah.
Wasaradda Arrimaha Gudaha,Federaalka iyo dib u Hishiishiinta Dowladda Soomaaliya ayaa waxay Qorsheysay in Hindisaha Diyaarinta Hannaan Dib u Heshiishiinta Qaranka la soo Gabagabeeyo bisha December ee sanadkaan, iyadoona kadib la qaban doono shirweyne Qaran.
