Madaxwaynaha JFS ayaa hambalyo u diray dawladda Jabuti iyo shacabkeeda, taas oo ku aadan xoriyadda dalkaas oo maanta 41-sano jirsatay.
Mudane Maxamed Cabdullahi Farmaajo madaxwaynaha JFS ayaa xusay in xiriir walaaltinimo oo qoto dheer inuu ka dhexeeyo Soomaaliya iyo Jabuti, kaas oo aan sin aba loo hilmaami Karin.
Hambalyo Dowladda iyo shacabka aan walaalaha nahay ee Jabuuti oo u dabbaal dagaya xuska 27ka Juunyo oo ah maalintii ay iska rideen heeryadii gumeysiga. #Soomaaliya iyo #Jabuuti waa laba dal oo walaalo ah, lehna xiriir sokeeye oo qoto dheer. #HiilWalaal @IsmailOguelleh
— Mohamed Farmaajo (@M_Farmaajo) June 26, 2018
Jabuti waxa ay ka xorayday gumaystihii Ingiriiska 1977-dii, waxaana Soomaaliya oo xoriyadda kaga horaysay ay kaalin wayn ku lahayd dhaqdhaqaaqa xoriyad doonka ee dalkaas ka socday.
Mudadii burburka Jabuti dhinaceeda waxa ay door wayn ka qaadatay dawlad dhisidda Somaaliya, waxaana ay wali qayb ka tahay dadaalada lagu xoojinayo nidaamka dawladeed ee Soomaaliya.
