Horjoogihii Al-shabaab Axmed Diiriye ayaa la sheegay in uu geeriyoodey kaddib markii uu soo baxay war aan la xaqiijin oo sheegaya dhimasha Abuu Cubeyda.
Warbaahinta Qaranka ayaa weli howlan baaritaannada ku aaddan xaqiijinta geerida Axmed Diiriye ee maalintii Isniinta 25-kii Juune aheyd.
Deegaanka ama degmada uu ku geeriyoodey Axmed Diiriye ayaa lagu sheegay keliyah Koonfurta Soomaaliya in ay ku taallo laakiin lama far muuqin halka ay tahay.
Saraakiisha Sirdoonka Soomaaliya ayaa noo sheegay in warkaas uu jiro.
Axmed Diiriye ayaa horey loo xaqiijiyey in uu muddo la xanuunsanayey Karsar uga dhacay Caloosha iyo Keliyaha, waxaana markii ugu horreysay macluumaadkaas baahisay warbaahinta Qaranka, Al-shabaab ayaa ka gaabsadey ka hadalka xannuunkii Axmed Diiriye.
Xogaha qaar waxa ay sheegayaan in arrintaan ay noqon karto dacaayad ay qeyb ka yihiin horjoogeyaasha qaar oo doonaya in ay hoggaanka u qabtaan Al-shabaab macmadaa uu xanuusanaa Axmed Diiriye lagana deyrinayey xaaladdiisa.
Ma jiro war cad oo ka soo baxay Al-shabaab oo lagu xaqiijinayo geerida Hoggaamiyahoodii.
