Wasiirka maaliyadda ayaa xafiiskiisa ku qaabilay danjiraha QM u qaabilsan arrimaha Soomaaliya Mr: Keating, waxa ayna ka wada hadleen howlaha horumarinta maaliyadda oo ay wasaaraddu ku guuleysatay.
“Maanta waxaa xafiiska igu soo booqday Wakiilka QM ee Soomaaliya Mr: Keating waxaan ka wada hadalney arrimaha horumarka Maaliyadda.
Waxaan sidoo kale Hambalyo u dirney Haweenka Somaaliyed ee 8 Maarso oo ku beegan maalinta haweenka adduunka” ayuu yiri Dr Cabdiraxmaan Ducaale Beyle wasiirka maaliyadda Soomaaliya.
Dowladda federaalka Soomaaliya ayaa dhawaanahaan ku guuleystay sidii loo maareyn lahaa howlaha maaliyadeed ee dalka iyadoo Ra’isul wasaaraha dowladda federaalka ah ee Soomaaliya uu dalka Mareykanka uga qeyb gelayo shir looga hadlayo arrimaha horumarinta maaliyadda iyadoo sidoo kale ay xukuumadu dadaal ugu jirto sidii looga cafin lahaa deymaha lagu leeyahay Soomaaliya.
