Muqdisho (SONNA) Madaxweynaha Dowlad Goboleedka Jubbaland Mudane Axmed Maxamed Islaam, ayaa maanta booqday Mashruuca waraabka Beeraha ee Gobolka Gedo oo heer gabo gabo ah maraya.
Dowlad goboleedka Jubbaland ayaa qorsheeneysa in la gaarsiiyo mashruucan dhammaan gobolada maamulkaasi, si looga faa’iidaysto biyaha wabiga looguna waraabiyo beeraha ka fog dhinacyada wabiga.
Madaxweynaha Maamulka Jubbaland Mudane Axmed Maxamed Islaam oo ay weheliyaan xubno wasiiro ah waxay lug kusoo mareen dhammaan qaybaha Mashruucan oo biyaha wabiga Jubba lagu gaarsiinayo dhulka fog ee baadiyaha, isagoo Madaxweynaha ammaanay sida dar darta leh ee hawshu ay usocoto.
Madaxweyne Axmed Maxamed Islaam ayaa sheegay in maamulkiisa uu ku dadaalayo sidii Beeraleeyda looga gacansiin lahaa wax soo saarka, ayna uga faa’iidaysan lahayeen suuqyada gudaha iyo dibada oo waxyabaha ay Beeraan ay u suuq geeyaan.
