Habeenka Kow Tobnaad tartan cilmiyeedka warbaahinta Qaranka ee uu maamulka gobolka Benaadir taabagelinayo waxaa ku tartamay degmooyinka Shibis iyo Deyniile oo ka wada tirsan gobolka Benaadir
Labada degmo qeybta hore ee tartanka waxaa la weydiiyey min afar su’aal, waxaa la galay nasasho yar, iyadoo kaddib lagu soo bandhigay warbixinnadii taariikhda degmooyinkaas ka hadlayey, waxaa loo gudbay qeybta labaad ee tartan cilmiyeedka.
Natiijada Deyniile
Degmada Deyniile ee gobolka Benaadir, waxaa la weydiiyey toddoba su’aal laba ka mid ah ayeey ka jawaabbeen shan waa ay iska qaldaan, wax ka faa’ideysi ahna ma helin, sidaas ayeey afar dhibcdood ku uruursadeen (4 dhibcood).
Natiijada Shibis
Degmada Shibis ee gobolka Benaadir, waxaa la weydiiyey toddoba su’aal iyaguna, waxa ay si sax ah uga jawaabbeen laba su’aal, hal ka faa’ideysi ah ayeey sidoo kale ka jawaabbeen, shanna waa iska qaldeen, sidaas ayeey ku uruursadeen Shibis Lix dhibcdood ( 6 dhibcood), degmada Shibis ayaana u gudubtay wareegga labaad ee tartan cilmiyeedka warbaahinta Qaranka ee bisha Ramadaan.
Habeen dambe waxaa tartan adag uu dhexmari doonaa degmooyinka C/casiis iyo Howl-wadaag oo ka wada tirsan gobolka Benaadir.
