Madaxweyne Maxamed Cabdullahi Farmaajo iyo wafdi uu horkacayo ayaa maanta u ambabaxay wadanka Isutagga Imaaraadka Carabta iyadoo safarka uu maanta dalka uga ambabaxay ay tahay safarkiisii afaraad ee dibada uu ugaga baxo dalka tan iyo markii uu ku guuleystey doorashada Madaxweynaha Soomaaliya horaantii bishii Febraayo.
Booqashada uu ugu ambabaxay Imaaraadka Carabta ayaa la xiriirta sidii uu madaxda Imaaraadka Carabta ugala hadli lahaa arrimo la xiriira xiriirka labada dal, iskaashiga ka dhaxeeya ee dhinacyada dhaqaalaha iyo diblomaasiyadda.
Madaxweyne Farmaajo iyo Wefdigiisa, ayaa la filayaa in si weyn loogu soo dhoweeyo waddanka Isutagga Imaaraadka Carabta.
