Guddoomiyaha Guddiga Madaxa-Bannaan ee Doorashooyinka Qaranka iyo Soohdimaha, Mudane Cabdikarim Axmed Xasan, ayaa ku dhawaaqay in muddo dheeri ah oo 21 cisho ah lagu daray muddadii loogu talagalay in ururrada siyaasadda ay isku soo diiwaan galiyaan.
Mudane Cabdikarim Axmed oo maanta shir jaraa’id ku qabtay xarunta guddiga ayaa sheegay in muddadii hore ee la siiyay ururrada, oo ahayd ilaa 31 Maarso, ay ururradu codsadeen in lagu daro muddo 21 cisho ah, iyadoo lagu jiro bil cibaado, taas oo la aqbaleen.
Soomaaliya ayaa si weyn isu diyaarineysa in doorasho qof iyo cod ah ay ka dhacdo mustaqbalka dhow, taas oo bulshada kala duwan ee dalka iyo guud ahaan beesha caalamka ay si weyn usoo dhoweeyeen.
