Golaha Sare ee maamulka Hayโadda UN Habitat (Executive Board of Directors) ayaa kalfadhigooda ugu horeeya ee sanadkan ku yeeshay xarunta Hayโadda ee magaalada Nairobi ee dalka Kenya.
Danjiraha dowladda Soomaaliya ee dalka Kenya, Danjire Jabril Ibraahim Cabdulle, oo ah wakiilka joogtada ah ee Soomaaliya ee Hayโadda UN-Habitat, ayaa ka qeybgalay kalfadhigan looga hadlayay hufnaanta dadaallada horumarineed ee ku saabsan horumarinta magaalooyinka dunida, oo ay Soomaaliya qeyb ka tahay. Danjiruhu wuxuu ka hadlay istaraatijiyadda ay dowlada kula tacaaleyso caqabadaha haysta dadka barakacayaasha ah, kobcinta magaalooyinka iyo horumarinta dowladaha hoose.
โSoomaaliya waxa ay ku baaqeysaa in la xoojiyo qorshayaasha hor-tabinta u leh ee ku aadan horumarinta magaalooyinka, gaar ahaan mashaariicda Hayโadda ay ka waddo dalkeena, waxaana ku boorineynaa in la kordhiyo kaalmada farsamo, si guryo loogu dhiso qoysaska barakacayaasha ah,โ ayuu yiri Danjire Jabril.
Danjiraha ayaa sidoo kale iftiimiyay muhiimadda ay leedahay horumarinta magaalooyinka oo loo dhan yahay, gaar ahaan deegaannada ay ku nool yihiin dadka barakacayaasha.
Danjiraha ayaa xusay in Soomaaliya oo ku tiirsan tahay taageerada Hayโaddaha caalamiga ah ay taageereyso baaqa maalgelinta aas-aasiga ah ee Hayโadda UN-Habitat si loo hirgeliyo mashaariicyo la xiriira horumarinta magaalooyinka.
