Guddiga Garsoorka,Awqaafta iyo Arrimaha Diinta ee Golaha Shacabka Baarlamaanka Jamhuuriyadda Federaalka Soomaaliya ayaa kulan ku yeeshay xafiiska Guddoonka iyo Guddiyada ee Villa Hargeysa,waxaana shir guddoominayay guddoomiyaha guddiga Xildhibaan Cali Xaaji Daahir.
Ajandaha Kulanka ee guddiga ayaa waxa uu ahaa ka shaqaynta shuruucda hortaala guddiga gaar ahaan akhrinta labaad ee sharciga kaalmo sharciyeedka federaalka soomaaliyeed,waxaana goobjoog ahaa sharci yaqaano ka socday wasaaradda cadaaladda ee xukuumadda federaalka Soomaaliya,kuwaas oo guddiga kala shaqeynaya talo siinta iyo turxaan bixinta sharcigan.
Ugu dambeyn guddoomiyaha guddiga Xildhibaan Cali Xaaji Daahir oo kulanka soo xiray ayaa u mahadceliyay xubnaha guddiga iyo sharci yaqaanadda ,waxa uuna sheegay in sharcigan la horgeyn doono kulanka guud ee golaha shacabka si loo marsiiyo habraaca u dhiman.
