Afhayeenka Wasaaradda Gaashaandhiga Xukuumadda Fedaraalka Soomaaliya Abuukar Maxamed Xasan, ayaa kulan dhiirragalin ah la qaatay shacabka ku dhaqan deegaanka Masaajid Cali Gaduud oo laba sano kahor laga xireeyay kooxaha khawaarijta.
Afhayeenka oo la hadlay qeybaha bulshada, ayaa kula dardaarmay in ay u howlgalaan oo ay la shaqeyàan ciidanka dowladda iyo sidii loo ciribtiri lahaa kooxaha khawaarijta.
Sarkaalkaasi waxa uu ka codsaday dadka deegaanka in ay la yimaadaan dulqaad iyo iscafiyo,isla markaana ay ka qeybqaataan horumarinta adeegyada lagama maarmaaka u ah bulshada.
Khawaarijta, ayaa laga xurreeyay gooba farabadan,oo ay hadda ku sugan yihiin shacabkii iyo ciidamada kala duwan ee dowladda iyo kuwa degaanka.
