Wasiirka Cusub ee wasaaradda Arrimaha Dibadda Xukuumadda Federaalka Soomaaliya Mudane Axmed Macallin Fiqi ayaa maanta xilka wasiirka wasaaradda Arrimaha Dibadda iyo iskaashiga caalamiga ah kala wareegay sii hayaha xilka ahna wasiiru dowlaha wasaaradda mudane Cali Cumar (Cali Balcad)
“Wasaaradda arrimaha dibadda oo ah hoggaanka diplomaasiyadda Soomaaliya waxaan ku raja weynahay in hawshii iyo daddaaladii socday aan sii laba jibaari doono, dalkeena iyo masaalixdiisana aan sida ugu wacan u matali doono Waxaan u mahadcelinayaa madaxweynaha Jamhuuriyadda Federaalka Soomaaliya Dr. Xasan Sheekh Maxamuuud iyo raysulwasaraaha xukuumadda Md. Xamse Cabdi Barre oo kalsooni igu qabaan xilkaan iigu wakiishay” ayuu yiri wasiir Fiqi.
Wasiirka ayaa, Diblomaasiyiinta wasaaradda iyo dadka Soomaaliyeed codsanayaa in ay ku garabsiiyaan gudashada hawshaas qaran, la iskuna bahaysto difaaca danaha dalkeena iyo wadajirkiisa.
