Madaxweyne ku xigeenka labaad ee Dowlad goboleedka Jubbaland Mudane Cabdiqaadir Xaaji Maxamuud oo ay weheliyaan Wasiirka amniga Jubbaland s/gaas Yuusuf Xuseen Cismaan Dhuumaal, Taliyaha qaybta 43-aad ee ciidanka xoogga dalka Soomaaliyeed General Cali Maxamed Maxamuud, (Bog madow) iyo taliyaha ciidanka Daraawishta Jubaland General Ismaaciil Saxardiid ayaa maanta garoonka diyaaradaha Magaalada Kismaayo ku qaabilay Wasiirka Gaashandhiga dalka Kenya Mudane Aadan Barre Ducaale.
Masuuliyiinta ayaa ka wada hadlay arrimaha amniga iyo sidii iskaashi buuxa looga samayn lahaa nabadgalyada xuduudka iyo dagaalka ka dhanka ah Khawaariijta ee ka socda dalka.
