Ciidamada Kumaandooska Qaranka ee Danab iyo Gor-gor ayaa howlgal lagu baacsanayo Khawaarijta waxaa ay ka sameeyeen Deegaanka Baraag Shiikh caamir ee gobolka Galgaduud iyo deegaano hoos taga.
Howlgalkaan ayaa ujeedkiisu ahaa sidii dhulka howdka ah ee ay ku dhuumaaleysanayaan looga xoreyn lahaa cadowga isla markaana bulshada deegaanka loo gaarsiin lahaa amniga iyo dowladnimada.
Saraaksiiha ciidamada ayaa la kulmay dadka xoolo dhaqatada ah ee deegaanadaas iyagoo u sheegay in ay soo dhamaatay dhibaatooyinkii ay ku qabeen Khawaarijta iyagana looga baahan yahay in ay Ciidanka la wadaagaan goobaha cadowga iyo goobaha ay ku dhuumaaleysanayaan.
