Ciidanka Booliska Maamul Goboleedka Puntland ayaa hawlgal qorshaysan oo ay ka sameeyeen Boosaaso waxay ku qabteen gaari waday lacago been abuur ah.
Warbixin lagu daabacay bogga gaarka ah ee Booliska Puntland ayaa lagu sheegay in Ciidanka Booliska ay Boosaaso ku qabteen gaari waday lacago yuuro madow ah iyo shakhsigii watay.
” Booliska Puntland ee Gobolka Bari ayaa gacanta ku soo dhigay gaari wadday lacago Euro madow ah iyo shaqsigii wadday” ayaa lagu yiri warbixinta.
Warbixinta ayaa sidoo kale lagu sheegay in gaariga oo ka yimid degmada Xaafuun gacanta lagu dhigay xilli uu soo galayay magaalada Boosaaso ee xarunta Gobolka Bari.
