Dowladda Soomaaliya ayaa si dhow uga shaqeyneysa sidii ay nabad ugu soo celin lahayd gobolada waqooyi ee Somaliland, xilli ay sii kordhayso xiisaddo u dhaxeeya maamulka gobolka iyo ciidamo beeleedyo deegaanka ah, sidaasi waxaa yiri,Madaxweynahaย Jamhuuriyadda Federaalka Soomaaliya Mudane Xasan Sheekh Maxamuud oo la hadlay shabakadda Aljazeera.
โWaxaan rumaysanahay in midnimadu ay tahay xalka kaliya,laakin kuma doonayno midnimada rabshado,โ Mudane Xasan Sheekh ayaa intaa ku daray.
โWaxaan u ololeyneynay labadii toddobaad ee ugu dambeeyay sidii aan marka hore u joojin lahayn rabshadaha, ka dibna aan u furi lahayn meel wadahadal ah,โ Madaxweynaha ayaa ku yiri wareysi dhinacyo badan taabanaya oo uu kaga hadlay dagaalka ay dowladdu kula jirto Al-shabaab, abaar baahsan ee ka jira dalka iyo qodobbo kale.
Dagaal ayaa bishii hore ka dhacay magaalada Laascaanood ee gobolka Sool, waxaana ku dhintay ugu yaraan 80 qof, waxaana ku barakacay in ka badan 185,000, sida ay sheegtay QM.
