Dadka reer Nigeria ayaa isugu soo uruuraya goobaha codbixinta ee qeyba kamid ah dalka, halkaas oo cilado farsamo awadeed aanay dadku aanay ugu suuragelin inay codkooda ka dhiibtaan doorashadii Sabtidii.
Dhanka kalee waxaa soconaya tirinta cododkii la dhiibtay, iyadoo natiijooyinka ugu horreeya ee doorashada madaxtinimada ee sida wayn loogu tartamay la filayo inay soo baxaan gelinka dambe ee maanta.
Saraakiisha guddiga doorashooyinka ee gobolka Bayelsa ayaa ammaandarrida ku eedeeyay markii dib loo dhigay codbixinta degmooyinka qaar.
Gudoomiyaha guddiga madaxa bannaan ee doorashooyinka Nigeria, Maxamuud Yacquubu, oo shir jaraaid ku qabtay magaalada Abuja ayaa sheegay in natiijada ay ku dhawaaqi doonaan ay noqon doonto mid hufan oo aanan cidna loogu eexanayn.
