Raโiisul Wasaare ku-xigeenka Xukuumadda Federaalka Soomaaliya Mudane Saalax Axmed Jaamac oo ay weheliyaan xubno ka mid ah Golaha Wasiiradda ayaa booqasho ku tagay safaarada dalka aan walaalaha nahay ee Turkiye si uu ugu tacsiyadeeyo Dowladda iyo shacabka Turkiga dadkii ku dhintay musiibadii dhulgariirka ahayd ee ka dhacday isniintii la soo dhaafay.
Raโiisul Wasaare Ku xigeenka iyo xubnihii Wasiiradda ee wehelinaayey ayaa u duceeyey dadkii ku dhintay dhulgariirka, isagoo saxiixay buuga tacsida ee loo furay dadkii dhintay, waxaanu tilmaamay in ay aad uga tiiraanyeysan yihiin musiibadii dhulgariirka ahayd, islamarkaana uga tacsiyadaynayaa Turkiga iyo shacabkeeda.
