Wasiirka amniga gudaha Jubbaland S/Gaas Yuusuf Xusseen Cismaan (Dhuumaal), Taliyaha qaybta 43-aad ee Ciidanka Xoogga Dalka iyo Taliyaha Ciidanka Daraawiishta Jubbaland ayaa kulan la yeeshay Saraakiisha Kala duwan ee Ciidanka hay’adda Sirdonka iyo Nabad Sugidda Jubbaland ee degmada Afmadow.
Kulanka oo ay ka soo qayb galeen Saraakiisha kala duwan ee degmada Afmadow ayaa inta badan la iskaga xog-wareysanayay xaaladda guud ee amniga, iyo howl galada ka dhanka ah kooxda khawaarijta Al Shabaab iyo sidi loogu midooobi lahaa ciribtirka kooxaha nafla caariga ee mudada dheer ragadinayay shacabka Soomaaliyeed.
