[DAAWO]Ra’iisul wasaare ku xigeenka dalka iyo masuuliyiin kale oo ka qeyb galay munaasabad uu xilka kula wareegayay Taliyaha cusub ee Ciidanka Boliiska.

Taliyaha Cusub ee Ciidanka Booliska Soomaaliyeed S/Guuto Sulub Axmed Firin ayaa munaasabad ka dhacday Akadeemiyada Ciidanka Booliska ee Janaraaal Kaahiye waxa uu xilka kaga la wareegay Taliyihii Hore ee Ciidanka Booliska Soomaaliyeed S/Gaas Cabdi Xasan Maxamed Xijaar.

Munaasabadda Xilwareejinta Taliyaha Ciidanka Booliska waxaa ka soo qayb galay Guddoomiyaha Maxkamadda Sare ee Dalka, Ra’iisul Wasaare Ku-xigeenka Xukuumadda, Wasiiru-Dowlaha Wasaaradda Amniga Gudaha, Xubno ka kala socday Goleyaasha Xukuumadda iyo Baarlamaanka, Guddoonka Maxkamadda Ciidammada Qalabka Sida iyo dhammaan saraakiisha Hoggaamada iyo Qaybaha kala duwan ee Ciidanka Booliska Soomaaliyeed.