Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) ayaa Aqalka Dowladda Hoose ee Xamar casho sharaf ugu sameeyay Culuma’udiinka Soomaaliyeed ee ka qayb gashay Shirweynaha Culumada Soomaaliyeed ee maalin ka hor lagu soo gabagabeeyay Magaalada Muqdisho.
Munaasabaddan oo uu kasoo qeyb galay, Ra’iisul Wasaare Kuxigeenka dalka Mudane Saalax Axmed Jaamac ayaa waxaa sidoo kale goobjoog ka ahaa Wasiirka Wasaarada Diinta iyo Awqaafta Sheekh Mukhtaar Roobow Cali, Xildhibaano, Guddoonka sare ee Maamulka Gobolka Banaadir, Guddoomiyeyaasha Degmooyinka Odiyaasha dhaqanka, Bulshada Rayidka, Rugta Ganacsigaiyo marti sharaf kale.
Khudbado aad u qiimo badan oo munaasabada laga jeediyay ayaa lagu boogaadiyay doorka Culumada Soomaaliyeed ee ka qeyb qaadashada dagaalka ka dhanka ah kooxaha Khawaarijta iyo u iftiiminka bulshada Soomaaliyeed ficilada gurracan iyo afkaaraha qaldan ee Khawaarijta ugu been sheegtaan diinteena suuban.
