Duqa Magaalada Gaalkacyo ee dhanka Galmudug Mudane Cabdiraxmaan Sheekh Xasan, Ku xigeenkiisa Eng Maxamed Cabdi Cilmi, Xubno ka tirsan Golaha Deegaanka, Agaasimayaal iyo Gudoomiyaasha Xaafadaha Horumar iyo Wadajir ayaa goobjoog ka ahaa bilowga dhismaha wajiga ugu dambeeya ee wadada Astaan Golol oo saarista laamiga maanta lagu bilaabay muddo koobanna lagu dhameystirayo.
Mudane Cabdiraxmaan Sheekh Xasan Gudoomiyaha Degmada ayaa u mahadceliyay shirkadda dhismaha laamiga gacanta ku haysa iyo Injineerada Dowladda Hoose , wuxuu sidoo kale ugu baaqay ganacsatada in ay ka qeyb qaataan Dhameystirka Wadadaan muhiimkaa ee Astaan Golol.
