Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) oo ay weheliso Guddoomiye Ku-xigeenka Koowaad ee Golaha Shacabka Marwo Sacdiyo Yaasiin Xaaji Samatar ayaa maanta shir guddoomiyay kulanka Guddiga Joogtada ah ee Golaha Shacabka.
Kulanka Guddiga Joogtada Golaha Shacabka BJFS ayaa lagu falanqeeyay go’aaminta goobta lagu qabanayo furitaanka Kalfadhiga 2-aad ee Baarlamaanka JFS oo ku beegan 15-ka bishan oo maalinta berri ah ku beegan iyo anisixinta soo jeedinta Guddiga Joogtada ee buuxinta kuraasta ka banaanaata Golaha Shacabka ee Baarlamaanka Jamhuuriyadda Federaalka Soomaaliya.
