Maamulka Dagmada Galkacyo ee Galmudug iyo Hay’adda UNHCR ayaa maanta dib u dajin u sameeyay Boqol oo Qoys oo Barakacayaal ah kuwaas oo ka faa’iideystay Mashruuca Xalka waara ee Dib udajinta Barakacayaasha Galkacyo
Hay’adda UNHCR ayaa maanta dib u dajin u sameeyay boqal qoys oo barakacayaal kuwaas oo horay ugu noolaa meelo aan ku habooneeyn in ay ku noolaadaan isla markaana wehel u ahaa qabowga iyo qoraxda
Boqalka qoys ee barakacayaashaa oo horay ugu noolaa lix kaam ku yaala koofurta magaalada galkacyo ayaa la dajiyay guryo dhawaan laga hirgaliyay koofurta galkacyo kuwaas oo iska kaashadeen Hay-addaha UNHCR iyo NRC kuwaas oo qeyb ka ah mashruuca xalka waara ee dib udajinta barakacayaasha
Mashruuca dib u dajinta oo ay goob joog ka ahaayeen masuuliyiinta hay’adaha fuliyay duqa dagmada Galkacyo ee Galmudug Cabdiraxmaan sheekh xasan jimcaale iyo masuuliyiin ka socatay maamulka gobalka mudug ayaa waxaa ugu horeyn ka hadlay Fadumo xasan cabdulle oo ka socatay Mashruuca GCBD isla markaana ku hadleysay magaca Hay’adda UNCHR
Qaar ka mida Qoysaskii ka faa’iideystay mashruucaan xalka waara ee dib udajinta Barakacayaasha ayaa iyaguna ka mahad celiyay sheegayna in muddo sugayeen
Duqa Dagmada Galkacyo ee Galmudug Cabdiraxmaan sheekh xasan jimcaale ayaa isna ka mahad celiyay mashruucaan oo uu sheegay in uu yahay kii u horeeyay ee laga hirgaliyo guud ahaan galmudug isagoona xusay in ay jirto baahi intaan ka badan
