Duqa Degmada Gaalkacyo Mudane Cabdiraxmaan Shiikh Xasan ayaa Maanta si rasmi ah u Daah furay Diiwaan galinta guryaha iyo dhulalka banaan Ee Degmada Gaalkacyo.
Munaasabaddaan Daah furka ayaa waxaa ka soo qeyb galay Guddoomiye ku-xigeenka Gobolka Mudug axmed shire qoodaar Guddoomiye ku-xigeenka Degmada Galkacyo Eng: Maxamed Cabdi Cilmi, Xubno katirsan Gollaha Deegaanka, lataliyaha sare Dowladda Hoose, qaar ka mid ah agaasimayaasha iyo
gudoomiyaasha xaafadaha Degmada Gaalkacyo.
Diiwaan galinta Guryaha iyo dhulalka banaan ayaa bulshada Degmada Gaalkacyo ugu fadhiya faa’idooyin badan oo ka mid ah iska warqabka bulshada iyo maamulka Degmada, sugida amniga, hormarinta xaafadaha iyo hagaajinta nadaafadda Magaalada Gaalkacyo.
