Madaxweynaha Hiirshabelle oo Taliyaha guud ee Ciidamada ATMIS kala hadlay howlgalada lagu baacsanayo argagixisada iyo sida la isaga kaashan lahaa xoojinta howlgaladaas

0
Madaxweynaha Dowladda Hirshabeelle Mudane Cali Guudlaawe Xuseen ayaa maanta kulan la qaatay Taliyaha guud ee Ciidamada ATMIS oo uu wehliyo iyo Taliyaha Secter five ee Atmis.

Kulankaan oo ay ka qeybgaleen Wasiirka Arrimaha Gudaha, Taliye Ku Xigeenka Ciidanka Booliska Hirshabeelle, Taliyaasha Guutooyinka 3aad iyo 4aad ee Ciidanka XDS, Agaasimaha guud ee Madaxtooyada iyo Lataliyaasha Xafiiska Madaxweynaha ayaa looga hadlay arrimaha amniga, howlgalada lagu baacsanayo argagixisada iyo sida la isaga kaashan lahaa xoojinta howlgalada argagixisada alshabaab looga saarayo deegaanada ay wali kaga sugan yihiin Hirshabeelle,
Madaxweynaha ayaa la wadaagay Taliska ATMIS in door muuqda ay ku yeeshaan howlgalada alshabaab looga saarayo deegaanada Hirshabeelle waxa uuna intaa raaciyay in hada wixii ka dambeeyo loo wada istaago ciribtirka argagixisada cadowga ah.