Ciidanka Xooga Dalka Oo Alshabaab ka Saaray Deegaano Cusub oo ka Tirsan Galgaduud. (SAWIRO).

0

Maalinimadii shalay ayay Cutubyo ka tirsan Ciidanka Xoogga Dalka Soomaliyeed si buuxda ula wareegeen degaanka Sino dhaqo.

Howlgal qorsheysan oo Ururada 6aad iyo 3aad ee Kumaandooska Gor-gor Xds ka sameeyeen degaanka Sino dhaqo oo 25 km u jiro degmada Dhuusamareeb ee gobolka Galguduud.

Howlgankaan ayaa lagu qaarajiyey 10 ka tirsan xaharaadi Al-shabab iyadoo dhamaan la bur buriyey meelihii gabaadka u ahaa nabadiidka ee degaanada Sino dhaqo , Labi-dule, Ceel- guusar, iyo tuulooyin koox Argagaxisa ay ku dhibaanteyn jireen Shacabka Aoomaliyeed.

Taliyaha guutada 17aa ee Kumaandooska Gor-gor Xds Gaashaanle dhexe Dayax Cabdi Cabsule Warbaahinta C.Q.S u sheegay in ay guulo waa weyn ka gareen howlgalka.

Sidoo kole Ciidanka Xoogga Dalka Soomaliyeed ayaa howlgalo ka wada gobolada Mudug iyo Hiiraan.