127 ka mid Ah Alshabaab oo lagu Dilay Gobolka Hiiraan

Date:

Taliyaha Ciidanka Dhulka ee xoogga dalka Janeraal Maxamed Tahliil Biixi ayaa sheegay in argagixisada laga saaray degaannada iyo degmooyinka gobolka Hiiraan intooda badan soona afjareen ciidamadu, sidoo kalena ay socdaan howlgallada degaannada gobolka Galgaduud ay ùga saarayaan argagixisada.

Taliyaha oo warbaahinta la hadlay ayaa sheegay in ciidamada xoogga dalka iyo kuwa degaanka ay howlgaladii ka socda gobolka Hiiraan ku dileen in ka badan 127 dagaalame oo katirsan Maleeshiyada Al-Shabaab, isaga oo u mahad celiyay ciidamada xoogga dalka iyo kuwa degaanka oo guula la taaban karo ka gaaray howlgaladii argagixisada looga saaray degaanno badan oo katirsan gobolka Hiiraan

Howlgalada ka dhanka ah kooxaha argagixisada Al-Shabaab aya dhawanaha ka socday degaanada cadawga uu gacanta ku hayay ee katirsan gobolka Hiiraan,iyadoona degaladaasi ciidamada dowladda ay ka gaareen guulo

Taliya ‘Biixi’ ayaa sidoo kale sheegay in dowladda Soomaaliya ka go’antahay in meelaha kale maleeshiyada argagixisada dalka ka joogto laga xoreeyo si ay shacabku u helaan nabad iyo xasilooni.

Share post:

Ugu Akhris badan

Kuwo kale
Kuwo kale