Ergeyga Gaarka ah ee Madaxweynaha Jamhuuriyadda Federaalka Soomaaliya ee ka hortagga iyo la dagaallanka fikradaha xagjirka rabshadaha wata, Mudane Aweys Maxamed Cumar, ayaa kulan la yeeshay Wasiirka Wasaaradda Dhalinyarada iyo Isboortiga XFS, Mudane Maxamed Cabdulqaadir Cali.
Kulanka ayaa looga hadlay xoojinta iskaashiga iyo wada-shaqeynta u dhexeysa labada xafiis, gaar ahaan dadaallada lagu xakameynayo faafitaanka fikradaha xagjirka ah, kor u qaadista wacyiga dhalinyarada Soomaaliyeed, iyo doorka ay ciyaaraha iyo barnaamijyada dhalinyarada ka qaadan karaan dhismaha nabadda, midnimada bulshada, iyo ka hortagga xagjirnimada.
Labada dhinac ayaa sidoo kale isku raacay muhiimadda ay leedahay in dhalinyarada Soomaaliyeed loo abuuro fursado wax-ku-ool ah oo dhiirrigeliya nabadda, hoggaaminta wanaagsan, iyo ka qeyb qaadashada horumarka dalka.
