Wararka naga soo gaaraya Galbeedka Magaalada Kismaayo ee Gobolka Jubbada Hoose ayaa sheegaya in Maanta ay halkaasi ka dhaceen qaraxyo fara badan oo geystay khasaaro isugu jira dhimasho iyo dhaawac.
Illaa 11 Qarax oo ay ku dhinteen Dad iyo Xoolo islamarkaana ahayd nooca culeeska ku qaraxda ayaa maanta ka dhacay inta u dhaxeeysa Buula Xaaji iyo Kismaayo gaar ahaan Nawaaxiga Biroole.
Goobjoogayaal ayaa waxaa ay sheegeen in qaraxyada badi ay qabsadeen Gaadiid ku safrayay wadadaas, waxaana dhimasho iyo dhaawac ku noqday dad Shacab ah oo u badan xoolo dhaqato.
Dhimashada ayaa haatan mareyso ilaa 4qof halka dhaawaca uu ka badanyahay ilaa 11 qof.
