MUQDISHO-05-7-2022-:Guddoomiyaha Gobolka Mudug iyo Xildhibaano ka tirsan Barlamaanka Maamulka Galmudug oo safar lagu kormeerayey Xaaladda Abaaraha ku Maray Deegaano dhaca Bariga Gobolka Mudug.
Wafdi uu hugaaminaayo Guddoomiyaha Gobolka mudug mudane Ahmed Hussein shire (Bukhaari) ayna ku wehlinayeen Xildhibaan Maxamed Tahliil Calool geel, Agaasimayaal ka tirsan Maamulka Gobolka iyo Odayaal dhaqan ayaa maanta kormeeray Deegaanada Bandarqaali, Cali Carab Bandarseed, Naara-jiinle ,Xalaawi ,Miro dheero,Doorshaanle iyo Dhuure oo dhamaan dhaca Bari Gobolka mudug.
Safarkaan ayaa u jeedkiisu ahaa u kuurgalida Baahiyaha Bulshada Deegandas ku nool iyo qeymaynta xaaladda Abaaraha waxaana Wafdigan dhamaan Deganadaas ku soo dhaweeyay Maamulada iyo Bulshooyinka halkaas ku nool.
Maamulka iyo Odayaasha Deegaanka Bandarseed ayaa tilmaamay inay jirto Xaalad Adag oo dhanka Biyaha iyo Caafimaadka ah.
Dhamaan Deegaanadaas ayaa Dadka iyo Duunyadu waxay wajahayaan Xaalad Adag ee dhanka Biyaha, Caafimaadka ,Daaqa, Waxbarashada iyo Nafaqadaro.
DHAGEYSO CODKA GUDDOOMIYAHA GOBOLKA MUDUG.
