MUQDISHO-JUUN-13-6-2022-:27,299 ardey ayaa u fariisatay Imtixaanka Shahaadiga Dugsiga Dhexe ee Gobolka Banaadir, Guddoomiyaha Gobolka Banaadir ahna Duqa Muqdisho ayaa oo ay wehliyaan Guddoomiye ku xigeenka Arrimaha Bulshada Gobolka iyo Agaasinka Waxbarashada gobolka Banaadir ayaa furay Imtixaanka.
Ardeyga Dugsiyada Gobolka Banaadir ee u fariistay Imtixaanka ayaa ku galaya 69-goobood oo uu maamulka ugu talo galay in ardeyda ay Imtixaanka ku galaan.
Gudoomiye Cumar Filish ayaa warqadaha imtixaanka mid mid ugu qeybiyay Ardaydii soo xaadirtay xarunta Jaamacada Ummada oo kamid ah goobaha lagu qaadayo imtixaanadka shahaadiga ah ee fasalka 8-aad ee dugsiyada gobolka Banaadir.
Duqa Magaalada Muqdisho Mudane Cumar Maxamud Maxamed (Cumar Filish) ayaa ugu dambeyn guul u wada rajeeyay dhamaan ardayda maanta Imtixaanaadka u fadhiistay.
18-ka bishan juun ayaa sidoo kale ardeyda Shahaadiga Dugsiga sare ay u fariisan doonaan imtixaanka shahaadiga ee Qaranka, taas oo ardey badan oo wax ka barata dugsiyada Gobolka Banaadir ay ka qeyb qaadanayaan Imtixaanka.
