MUQDISHO-6-6-2022:Taliska Qeybta 60aad ee Ciidanka Xoogga Dalka Soomaaliyeed ayaa Maanta Magaalada Baydhabo kusoo Bandhigey Cabdiraxmaan Baraka Xasan oo Magaca afgarashadiisu ay tahay(Lagooye) kaasi oo ka mid ahaa dhallinyarada fikirka qaldan ugu dagaalamayay kooxda isla markaana hada isaga soo baxsaday kooxda Al shabaab markii uu ogaaday in aysan u dagaalameyn wax diin la xariira.
Cabdiraxmaan ayaa kooxda nabadiidka Alshabaab u qaabilsanaa Jabhada,Wuxuuna ku jirey Mudo 3-sano ah, isagoona ka qeybqaatay, Dagaalo Dhowr ah oo ka dhacay deeganada gobolka Baay , waxaa uu hada helay soo dhaweyn ay u sameeyeen saraakiisha ciidanka xoogga.
