MUQDISHO-JUUN-6-6-2022-:Wasiirka Wasaaradda Maaliyadda Xukuumada Federaalka Soomaliya Abdirahmaan Ducaale Beyle ayaa maanta la kulmay safiirka wadanka Libya Yusuf Katim Al Kaylaani iyo Cali Madkuur Maxamed ahna uqaabilsanaha dhinaca Maaliyadda Safaarada Libya.
Masuuliyiintaan ayaa kawada hadlay arrimaha dhaqaalaha iyo Deyn cafinta oo Libya ka mid tahay wadamada Carabta ee nagu leh deynta.
sidoo kale labada dhinac ayaa waxaa ay isla soo hadal qaadeen sidii loo xoojin lahaa xiriirka Soomaaliya iyo Libya iyo sidii iskaashi looga yeelan lahaa arrimaha Gobolka .
Wasiirka Wasaaradda Maaliyadda Xukuumadda xilgaarsiinta ah ee Soomaaliya Cabdiraxmaan Ducaale Beyle ayaa uga mahad celiyay labada mas’uul kulankooda, isaga oo sheegay in dowladda Soomaaliya ay xoojin doonto wadashaqeynta ay la leedahay dalalka Afrika.
