Ciidamada Danab ee xoogga Dalka Soomaliya gaar ahaan ururka 4aad guutada 16aad ayaa howlgalo ka dhan ah Argagixisada Al-shabaab waxa ay ka sameeyeen degmada Buurhakaba iyo degaano hoostaga kuwaas oo katirsan Gobolka Baay ee maamulka KGS.
Ciidamada ayaa intii ay wadeen howlgaladaan sigaar ah waxa ay u baarayeen Guryaha iyo Gaadiidka noocyadiisa kala duwan ee ka howlgala degmada Buurhakaba iyo degaanka Ceelbashiir oo 10km u jira degmadaas.
Saraakiil katirsan Guutada 16aad ee Kumaandooska DANAB ayaa sheegay in sidoo kale ay Ciidamadu howlgallo gaar ah ka fuliyeen dhulka howdka ah ee degmada Buurhakaba, halkaas oo mararka qaar lagu arko Maleeshiyaadka Al-Shabaab .
Saraakiil katirsan Danab ayaa sheegay in ciidamada Baritaanadaan ku soo qabteen xubno lagu tuhmaayo in ay xiriir la leeyihiin maleeshiyaadka nafla-caariga ah ee Al-shabaab.
.
