Raโiisul Wasaaraha XFS Maxamed Xuseen Rooble oo war-saxaafadeed soo saaray ayaa ka digay isku day kasta oo lagu marin habaabinayo Kiiska Ikraan Tahliil Faarax, isagoo faray Taliyayaasha Ciidamada Qalabka Sida in ay ka fogaadaan tallaabo kasta oo wax u dhimi karta sumcadda ciidamada qaranka oo dhaawicina karta kalsooni shacabka Soomaaliyeed .
โRaโiisul wasaaruhu waxa uu la socdaa in Maxkamadda Ciidamada Qalabka Sida uu ka furan yahay gal dacwadeed ku saabsan kiiska Ikraan Tahliil Faarax, kaas oo waafaqsan qodobka 34-aad ee dastuurka dalka oo qof kasta xaq u siinaya inuu dacwadii sharciga waafaqsan ka furto maxkamadda awooda u leh,โ ayaa lagu yiri qoraalka ka soo baxay xafiiska RW Rooble.
Raโiisul Wasaare Rooble ayaa sheegay in uu aaminsan yahay sida uu dastuurku qabo in heyโadaha Garsoorka dalka ay ka madax-banaanyihiin laamaha fulinta iyo sharci dejinta ee dowladda, markii ay gudanayaan waajibaadkooda.
โWaxaan u xaqiijinayaa shacabka Soomaaliyeed in aysan kaalin uga banaaneyn heyโadaha fulinta kuna sameyn karin wax faro-gelin ah kiiska Ikraan Tahliil Faarax,โ ayaa lagu yiri qoraalka.
Hoos ka akhriso qoraalka
