Wasiirka waxbarashada xukuumadda fedaraalka Soomaaliya Cabdullaahi Abuukar Xaaji ayaa magaalada Garowe ee caasimadda Puntland ka furay shirka wasaaradaha waxbarashada dowladda federalka, dawlad goboleedyada iyo gobolka Banaadir.
Shirkaan waxaa looga arrinsanayaa sidii la’isaga kaashan lahaa horumarinta iyo tayeynta waxbarashada dalka, isla markaana loo xoojin lahaa xiriirka iskaashi ee ka dhexeeya wasaaradda waxbarashada dowladda federaalka, kuwa dowlad goboleedyada iyo Agaasimka waxbarashada ee mamulka gobolka Banaadir.
Dowladda Soomaaliya waxay haatan xoogga saareysaa in dib loo tayeeyo waxbarashada dalka, waxaana dhawaan la diiwaan geliyey oo dowladdu ay ogolaansho siiday jaamacadaha dalka intooda soo buudisay shuruuudihii looga baahnaa.
