Wasiirka Duulista hawada iyo Garoomada Puntland Cismaan lug toor ayaa faahfaahin ka bixiyay shil diyaaradeed oo ka dhacay gudaha Garoonka diyaaradaha ee Gen/Mohamed Abshir kaasi oo aan sababin khasaare nafeed.
isagoona wasiirka duulista hawada Puntland Sheegay in halka khaladku ka dhacay ahayd Duuliyaha diyaarada oo ku dagay meel aan ahayn halkii u astaysnayd cagadhigashada Koowaad ee diyaarada Masaafo ahaana u jirta 300M oo ah halka uu ka bilowdo Ranwayga caga dhigashada diyaaraduhu.
Wasiirka duulista hawada iyo Garoomada Puntland ayaa iska fogeeyay eedayn iyo hadal hayn badan oo baraha bulshada ka jirtay taasi oo ahayd in dab damiskii garoonku ciladaysnayd xilligii shilku dhacayay isagoona xusay in dab damiska garoonku shaqaynayay diyaaraduna aysan u baahan gurmadka gaadiidka dab damiska.
