Boqorka Dalka Baxrayn Xamad bin Ciise ayaa magacaabay ra’iisal wasaare cusub kadib markii ra’iisal wasaarihii dalkaas Khaliifa bin Salmaan shalay ku dhintay gudaha dalka Maraykanka oo uu ku xanuunsanaa.
Salmaan bin Xamad bin Ciise oo ah dhaxal sugaha dalkaasi Baxrayn ayaa loo magacaabay inuu noqdo ra’iisal wasaaraha cusub ee Wadankaasi Baxrayn.
War murtiyeed kasoo baxay shalay boqortooyada Baxrayn ayaa lagu shaaciyay in ra’iisal wasaarihii geeriyooday lagu aasi doono dalka gudihiisa iyadoo ay kasoo qayb gali doonaan qoyska iyo qaraabadiisa oo kaliya.
