Munaasabad ay xilalka kula kala wareegayaan Maamulka Degmada Gaalkacyo oo lagu qabtay Gaalkacyo+(SAWIRRO).

0
22

Munaasabadan oo ay xilalka kula kala wareegayaan gudoomiyihii hore ee dagmada Gaalkacyo Xirsi Yuusuf Barre iyo gudoomiyaha cusub Cabdiraxmaan Sheekh Xasan Jimcaale ayaa saakay ka dhacday xarunta maamulka dowlada hoose ee dagmada Gaalkacyo waxaa ka qeyb galay Masuuliyiin iyo qeybaha kala duwan ee Bulshada.

Gudoomiyihii hore ee dagmada gaalkacyo Xirsi Yuusuf Barre oo ugu horeyn ka hadlay munaasabada xil wareejinta ayaa faah faahin ka bixiyay waxyaabihii maamulkiisa u qabsoomay mudadii 4ta sana aheyd ee uu xilka hayay taas oo muujineysay in maamulku uu wax weyn ka qabtay magaalada Gaalkacyo iyadoo maamulku mudadaasi uu ku soo shaqeeyay daruufo adag oo ay ka mid ahaayeen colaadihii iyo abaaruhii dheeraa ee ka jiray gobolka Mudug sanadihii 2016 ilaa 2018.

Gudoomiyaha cusub ee dagmada Gaalkacyo Cabdiraxmaan Sh/xasan ayaa qiray in wax weyn uu maamulkii hore, isagoo u mahad celinayay maadaama uu daruufo adag kusoo shaqeeyay waxuuna dhanka kale ka codsaday shacabka reer galkacyo in ay la shaqeeyaan maamulka cusub ee uu hogaanka u yahay.

Ugu danbeyntii wasiiru dowlaha wasaarada arimaha gudaha Galmudug Axmed nuur Xasan Cali ayaa wax lagu farxo ku tilmaamay wax qabadka maamulkii hore ee dagmada Gaalkacyo isagoona xusay in uu amaan iyo bogaadin mudan yahay, waxuu sidoo kalana kula dar daarmay maamulka cusub ee dagmada Gaalkacyo in ay xoogga saaran dhameystirka hanaanka dowladanino iyo wax ka qabashada baahiyada jira.