Riyadh-(SONNA)- War ka soo baxay Saraakiisha Amniga Sacuudiga ayaa lagu sheegay in maanta oo Sabti ah ay ciidamada qaabilsan sugidda amniga goobaha barakaysan ee Ku yaalla Sacuudiga ay gacanta ku dhigeen muwaadin u dhashay Sacuudiga oo gaari uu watay si xoog ah isku dayay inuu ku galo Xaramka.
Saraakiisha ayaa sheegay in muwaadinka watay gaariga uu ahaa qof madaxa looga jiro, iyagoo qiray in isku daygaas aysan waxyeello ka dhalan.
“Albaabka 89-aad ee Xaramka ayaa laga hor istaagay gaari nooca raaxada ah oo isku dayay in uu xoog ku galo Xaramka shalay oo Jimco ahayd” ayaa lagu yiri warkaasi ka soo baxay hayadaha ammaanka sacuudiga.
