Madaweyne Farmaajo oo Ra’iisul wasaaraha magacaaban horgeynaya Golaha Shacabka.

0
26

Mudanayaasha Golaha shacabka Baarlamaanka Federaalka Soomaaliya ayaa maanta lagu wadaa in kulan ay ku yeeshaan xaruntooda KMG ah ee Villa Hargeysa.

Ajandaha kulanka maanta ayaa ah hadal Jeedinta Madaxweynaha JFS mudane Maxamed Cabdullaahi Farmaajo & u codeynta kalsooni siinta Ra’iisul Wasaaraha magacaaban mudane Maxamed Xuseen Rooble.

Ka hor cod u qaadista kalsooni siinta Ra’iisul wasaaraha magacaaban ayaa waxaa la filayaa in Madaxweyne Farmaajo uu kulanka ka jeediyo khudbad dheer, isaga oo sidoo kale Golaha Shacabka ka codsan doona inay codka kalsoonida siiyaan Ra’iisul Wasaaraha.

Haddii maanta codka kalsoonida la siiyo Ra’iisul wasaaraha magacaaban ayaa la filayaa in si deg deg ah uu usoo dhiso Golihiisa wasiirrada si loo fuliyo hannaanka doorasho oo ay ku heshiiyeen madaxda dalka.