Guddoomiyaha aqalka sare e BFS ayaa gaaray Dhuusamareeb si uu’ uga
qaybgalo furitaanka kalfadhiga 2-aad ee Baaralamanka Galmudug.
Wafdiga Guddoomiyaha aqalka sare mudane Cabdi Xaashi Cabdullaahi oo u
badan Senataro ayaa waxaa garoonka diyaaradaha Ugaas Nuur ee magaalada
Dhuusamereeb kusoo dhaweeyay Gudoomiyaha golaha Wakiilada Galmudug
Maxamed Nuur Gacal, wasiiro iyo xildhibaano katirsan Galmudug iyo
shacabka Caasimadda Galmudug ee Dhuusamareeb.
Wafdiga Guddoomiye Cabdi Xaashi ayaa kamid ah madax lagu casuumay ka
qaybgalka xafladda furitaanka kalfadhiga 2-aad ee golaha Wakiilada
Galmudug oo caawa lagu qabanayo magaalada Dhuusamareeb.
Dhinaca kale Madaxweynaha Galmudug mudane Axmed Cabdi Kaariye Qoorqoor
ayaa xafiiskiisa ku qaabailay wafdiga Guddoomiyaha Aqalka sare ee BFS
mudane Cabdi Xaashi Cabdullaahi waxaana soo dhaweyn kadib ay kawada
hadleen xaaladda siyaasadeed ee dalka oo muddooyinkii dambe ka socday magaalada Dhuusamareeb.
