Kulan ay soo agaasintay Xaruunta Gurya-samo oo ka shaqeysta horumarinta qoyska ayaa diiradda lagu saaray sidii Waalidiinta loogu baraarujin lahaa ka warqabka caruurtooda si uu u hagaago mustaqbalkooda, isla markaana uga nabad galaan qataraha dhinacyada badan oo ay la kulmaan sida isticmaalka maandooriyaha, iyo ka shaqeynta faldambiyeedyada iyo arrimo ku saabsan anshaxa oo ay ka midyihiin baadiyeynta iyo ceebeynta hablaha Soomaaliyeed oo dhibaatooyin kala kulma dhalinyarada qaar kamid ah oo halis ku ah nolosha iyo mustaqbalkooda.
Kulanka oo ay ka qeybgaleyn qeybaha kala duwan ee bulshada ayaa waalidiinta iyo masuuliyiintii goobta ka hadlay waxey ku dheeraadeen dhibaatada ay dhalinyarada ka dhaxlaan maandooriyaha iyo sida ay lagama maarmaan u tahay ilaalinta sharafta gabdhaha Soomaaliyeed, iyagoo ku baaqay in hal meel looga soo wadajeesto sidii loo badbaadin lahaa mustqbalka dhalinyarada oo ubad dhaxaad u ah horumarka dalka.
Guddoomiyaha Hayโadda Culumada Soomaaliyeed Sheekh Bashiir Axmed Salaad iyo Nabadoon Maxamed Xasan Xaad ayaa si adag uga hadlay dhibaatada uu maandooriyaha ku hayo dalka iyo sida ugu haboon ee looga hortagi karo.
Gabagabadii waalidiinta iyo masโuuliyiinta kasoo qeybgashay kulanka ayaa Dowladda Soomaaliya ka codasaday inay xakameyso oo ay gacan adagna ku qabato dadka dalka soo galiya maandooriyaha iyo kuwa ka ganacsada intaba.
