Madaxweynaha Galmudug oo lagu soo dhaweeyay magaalada Istanbul.”Sawirro”

0
11

Madaxweynaha dowlad goboleedka Galmudug Mudane Axmed Cabdi Kaariye (Qoor Qoor) iyo wafdi ballaaran uu hoggaaminayo ayaa gaaray magaalada Istanbul ee dalka Turkiga.

Wafdiga madaxweynaha waxaa soo dhaweeyay Mas’uuliyiinta Safaaradda Soomaaliya ee dalka Turkiga ee uu hoggaaminayay Danjire Jaamac Cabdullaahi Ceydiid iyo ku xigeenkiisa .

Sidoo kale dadka soo dhaweeyay waxaa ka mid ahaa guddoomiyaha Jaaliyadda Soomaaliyeed ee dalka Turkiga Sheikh Maxamed, qaar ka mid ganacsatada Soomaaliyeed ee ku dhaqanka Turkiga.

Madaxwaynaha Galmudug Axmed Cabdi Kaariye (QoorQoor) waxaan safarka ku wehlinayo guddoomiyaha guddiga la socodka iyo hirgalinta dib u-eegista dastuurka ee barlamaanka federaalka Soomaaliya Cabdi Xasan Cawaale (Qeydiid) maareeyaha wakaaladda horumarinta dhismaha Soomaaliyeed Bashiir Maxamed Jaamac Keynaan (Bashiir Goobe) iyo xubno kale.

Ugu dambeyn Madaxweynaha Galmudug ayaa la filayaa inta uu dalkaasi ku suganyahay uu la kulmi doono madaxada safaaradda Soomaaliya ee dalka Turkiga, Jaaliyadda Soomaaliyeed ee dalkaasi iyo ardayada Soomaaliyeed ee wax ka barata magaalooyinka kale duwan ee dalkaasi ee uu kala hadli doono xaaladda guud ee dalka gaar ahaan deegaannada Galmudug.