Ugu yaraan 30 Wariye oo ka howlgala magaalada Gaalkacyo ayaa Wasaaradda Warfaafinta, Dhaqanka iyo Dalxiiska Galmudug maanta waxa ay u furtay siminaar ku saabsan Fahamka Federaalka, kaas oo hal maalin socday.
Wasiirka Warfaafinta GalMudug, Axmed Shire Falagle, oo xiritaanka siminaarka ka hadlay ayaa sheegay in ujeedka loo qabtay tababarkan ay tahay sidii bahda saxaafadda u heli lahaayeen faham dhab ah oo ku aadan hanaanka federaalka oo dalku qaatay.
Sidoo kale, munaasabadda xiritaanka siminaarka waxaa ka qeyb galay wasiirka Amniga Galmudug Axmed Macalin Fiqi iyo Wasiirka Arrimaha Gudaha Cabdi Maxamed Jaamac, Hadallo ay ka jeediyeen madasha waxa ay ku boorriyeen in saxafiyiinta ay noqdaan kuwa ka shaqeeya wanaagga iyo horumarka dalka guud ahaantiis.
