Madaxweynaha Falastiin Maxamuud Cabbaas ayaa sheegay in uu maamulkiisa joojinayo dhammaan heshiisyadii iyo is fahamkii ay la saxiixdeen Israel iyo Mareykanka, oo ay ku jirto amniga.
Madaxweyne Cabbaas ayaa hadalkan ku dhawaaqay,ย Talaadadii shalay kaddib markii hoggaamiyayaasha Falastiin ay kulan ku yeesheen magaalada Ramallah.
Goโaanka ayaa yimid isagoo ka jawaabaya soo jeedinta Israel ee ku saabsan in la ballaarinayo dhismayaasha ay ka dhiseyso Daanta Galbeed.
Cabaas wuxuu sheegay inay masโuul ka tahay dowladda Maraykanka oo raali uga ah falalka Israel iyo goโaanada ka dhanka ah xuquuqda dadka reer Falastiin.
Israel ayaa la filayaa in 1-da bisha Julaay ay dhaqangeliso heshiisyadii ay la gashay Falastiiin, sida ay ku heshiiyeen Raโiisal wasaare Netanyahu iyo Benny Gantz, oo ah madaxa xisbiga buluuga iyo cadaanka.
Saraakiisha Falastiiniyiinta ayaa ku hanjabay inay baabiโin doonaan heshiisyada laba geesoodka ah ee ay la galeen Israaโiil haddii ay ka gudubto istiraatijiyadda, taas oo wiiqi doonta xalka labada dowladood.
Qorshuhu wuxuu ku baaqayaa in la dhiso dowlad Falastiin oo ah jasiirad ku xeeran buundooyin iyo burooyin.
Saraakiisha Falastiiniyiinta ayaa sheegaya in qorshaha Mareykanka uu rabo ay tahay in Israaโiil ay 30% ama-40% ku darsan doonto Daanta Galbeed, oo ay ku jirto dhammaan Bariga Qudus.
