Saraakiisha Turkiga ayaa sheegay in la qabtay haweeney la dhalatay Hogaamiyihii hore ee Daacish Abuubakar Al-Baqdaadi, kadib howlgal laga fuliyay waqooyiga Suuriya.
Haweeneydan oo lagu magacaabo Rasmiya Awad ayaa daโdeeda lagu sheegay 65 sano jir, waxaa Isniintii shalay lagu qabtay howlgal ciidan oo ka dhacay meel u dhow magaalada Azaz.
Saraakiisha Turkiga ayaa sheegay in qabashada haweeneydan uu faaโiido u noqon karo in la ogaado sirta gudaha ee Kooxda Daacish.
Abuubakar Al-Baqdaadi ayaa is qarxiyay bishii la soo dhaafay, kadib markii Ciidamada gaarka ee Mareykanka ay howlgal ku galeen guri uu degenaa oo ku yaalla waqooyiga Suuriya.
Wareyska Newyork Times ayaa ku warramay in Baqdaad ay la dhalatay 5 wiil iyo dhowr gabdhood, balse ma cada in ay dhammaan nool yihiin iyo in kale.
