Wasiirka Wasaaradda Xanaanada Xoolaha Dhirta iyo Daaqa Dowlad Gobolleedka Koonfur Galbeed Mukhtaar Maxamed Guulleed ayaa daahfuray Mashruuca Daaweynta Xoolaha ee magaalada Baydhabo, kaas oo sahlaya in lagu ogaado caafimaadka iyo xaaladaha xoolaha nool ee deegaannada K/Galbeed.
Wasiirka oo degmada Baydhabo kula hadlayay warfidiyeenka ayaa sheegay in Mashruucan ay ka faa’iideysan donaan illaa iyo 100 qoys oo danyar xoolo dhaqato ah kuwaasoo xoolahooda looga daaweyn doono cudurada.
Mukhtaar Maxamed ayaa sheegay in mashruuca ay iska kaashanayaan hay’adda Save the Children iyo Wasaaradda Xanaanada Xoolaha Dhirta iyo Daaqa KG.
Wasiirka Wasaaradda Xanaanada Xoolaha Dhirta iyo Daaqa K/Galbeed ayaa sidoo kale in ka Warqabka Caafimaadka Xoolaha ay tahay muhiimadda koowaad ee Wasaaraddu leedahay isgoona sheegay in ay ka go’an tahay in la sii wado dadaalka loogu jiro la tacaalidda cudurada soo wajaha xoolaha.
Ugu Dambeyn Wasiirka ayaa baaq u diray dhammaan hay’adaha ku howlan Arimaha Xanaanda Xoolaha in ay wasaaraddu si toos ah ula soo xiriiraan si howlaha ay wasaaradiisu ula socoto isagoo ballan qaaday in ay si wanaagsan ula shaqeeyn doonaa.
